سبب العلة

ميلي تكلم الراجحي وزير الداخلية السابق، الوزير إلي ماتوا في "عهدو شباب كيف الورد، إلي قال مفمش قناصة إلي و إلي و إلي، المهم و المفيد إلي تكلم و قال إلكلام إلي اناس الكل تحكي فيه  الناس الكل تعرف  إلي فما حملة ضد النهضة الناس الكل تعرف إلي تجمع مش ناوي يسيب الحكم الناس الكل تعرف دور إلي يلعبوا فيه السواحلية ولي  الجيش يلعب في لعبة ماهيش إلي ضاهرة للعيان ولي كوادر الجيش سواحلية زادة و لهنا مانيش نعمل فالجهويات أما اناس الكل تعرف إلي بلادنا معفنة بالحكاية هذي و دورة صغيرة في الشارع توا تسمع أكثر و على أعلى مستوى زادة، و هل الوضع إلي في تونس موصلناش ليه بن علي وحدو، و هذا بان بالكاشف بعد ما قطع أما وصلنا ليه بسبب مجموعة فالأصل متكونة من 100 عائلة تقريبا، همها الوحيد تعبي جيوبها هي ميهمهش في شكون يحكم إلي يهمها انو إلي يحكم يضمن مصالحها و يمشلهة أمورها كما قبل معناها، هل مجموعة متنفذة خصة  اقتصاديا،هذي هي حكومة الضل، إلي حكى عليها الراجحي و لطيف ماهو إلا الجزء الضاهر من جبل الجليد، نجم نسمي من غير تحفض، عائلة المبروك، القروي، بن عمار، بن عياد، بن يدر إلخ إلخ هل مجموعة هذي إلي حب يصورها محمد علي النهدي في البحيرة أيامات الثورة يخي لقاهم عايشين في ثورة الصولد، المجموعة بدها تسير في ألاف الأتباع و تخرف عل إقتصاد، اقتصادها هي بطبيعة خاطر نهار الكل يعيطوا  عل إضرابات و من مكان أخر زادوا في الأسوام ، و حققوا  الأرباح، المجموعة هذي أسست حزب أفاق، و تدعم في المبادرة والوطن و غيرهم من احزاب فروخ التجمع، اناس هذي هي إلي تخوف فينا من حزب العمال خاطر بش يقصلهم دابرهم و يفك فلوس اشعب من جيوبهم، يخوف فينا زادة من حركة النهضة خاطر بش يسكر عليهم أساليب الكسب الحرام إلي مايعرفوش غيرها، المجموعة هذي إلي حاسبة البلاد هنشير السيد الوالد و الشعب مجعول بش يخدمها ماعنده حتى إحساس بالمواطنة، خاطر مازلت عايشة في عهد الأرستقراطية أو هكذا يتوهمون، علاش ماجتش عنا طبقة  راس مالية مسؤولة تتحمل عبء البلاد و تعاون هاشباب إلي قاعد كل يوم يموت باش تفهم هالزنوس إلي راهو إلي قاعد يصير في مصلحتها و أنا خبير إقتصادي و نعرف شنقول، هلزنوس هذي كان بش تواصل هكا بش تجني على روحها و مبعد متتهمش اشعب إلي هو بلشفي، واحد من ناس أكثر ليبرالية من أجعب واحد فيهم ، أما وقت إلي يتعلق الأمر بحقوق الهكش والبزغلف و الجبورة فانا واحد منهم و مع حقهم بش يعيشوا تحت الشمس و فوق الأرض

وينعشوا عيشة فل يا نموتوا الناس الكل